From Within the Cesspool of a Savarna Hindu Male World

சீனா என்ற நாட்டைப் பற்றி முதன்முதலில் படித்தது 1980 ஆம் ஆண்டில் என்று நினைவு . அந்த ஆண்டு சோ ராமசாமி நடத்தி வந்த துக்ளக் இதழின் ஒரு பெட்டிச் செய்தியில் சீனா பற்றிய ஒரு தகவல் வெளியாகியிருந்தது . சீனாவில் அதிகரித்து வரும் உழைக்கும் மக்கள் தொகை முழுவதற்கும் வேலை வாய்ப்புகளை வழங்க முடியவில்லை ; எனவே , அதுவரை பின்பற்றப்பட்டு வந்த இரும்புக் கிண்ணம் என்ற முறை கைவிடப்படுகிறது என்றது அந்தச் செய்தி . அந்தச் செய்திக்குத் துணையாக நிறையபேர் மிதிவண்டியில் பயணிக்கும் ஒரு புகைப்படம் வெளியாகியிருந்தது . சோ ராமசாமியின் துக்ளக் இதழ் எனக்குப் படிக்கக் கிடைத்தது ; அப்போது எனக்கு வயது எட்டு . அப்படியானால் , நான் வளர்ந்த அரசியல் பண்பாட்டுச் சூழலைப் புரிந்து கொள்ளலாம் . ஆம் , சவர்ண இந்துக் குடும்பத்தில்தான் நான் வளர்ந்து கொண்டிருந்தேன் . இது ஓர் இடைக்குறிப்பாக ; எந்தப் பார்வையில் நான் உலகைப் பார்க்கத் தொடங்கினேன் என்பதைக் குறிப்பிடுவதற்காக . இரும்புக் கிண்ணம் (Iron bowl) என்பது வாழ்நாள் முழுவதற்கும் வேலையை உறுதி செய்வது என்ற முறை . ஒருவர் படித்து முடித்து ஒரு வேலையில் சேர்ந்து விட்டால் அவர் ஓய்வு பெறும் வரை...

  இன்று ஜூலை மாதம் 31ஆம் நாள். 2024ஆம் ஆண்டில் ஏழு மாதங்கள் ஓடி விட்டிருக்கின்றன. 2019இல் மூன்று ஆண்டுகளுக்கு கற்கும் காலமாக முடிவு செய்திருந்தேன். 2022 தொடக்கத்தில் பெரிதாக எதுவும் நடந்திருக்கவில்லை. அந்த ஆண்டு இறுதியில்தான் என்.சி.பி.எச்.இல் வேலைக்கு வரத் தொடங்கி இப்போது இரண்டு ஆண்டுகள் முடியப் போகிறது (இந்த மாதத்தோடு 22 மாதங்கள் முடிந்திருக்கின்றன). இந்த வார வாசிப்பு அமர்வுகளைப் பொறுத்தவரை, சனிக்கிழமை காலையில் மூன்றாம் பாகம் ஆங்கில வாசிப்பு அமர்வு. அதை முன்கூட்டியே வாசித்துக் கொண்டு போயிருந்தேன். மாறும் மூலதனத்தின் மதிப்பு உயர்வதோ தாழ்வதோ மூலதனத்தின் மீது ஏற்படுத்தும் தாக்கம் (விடுவிக்கப்படுவதும் பிணைக்கப்படுவதும்) பற்றி வாசித்தோம். அதன்பின்னர் கச்சாப் பொருட்களின் விலை ஏற்ற இறக்கம் பற்றியும் உரையாடினோம். அன்று இரவு அம்பேத்கர் நூல் உரையாடலில் காந்திக்கு அம்பேத்கர் சொல்லும் பதிலை வாசித்து உரையாடினோம். ****க்கு அது கொஞ்சம் சங்கடமாகத்தான் இருக்கிறது. எல்லாவற்றையும் விட்டுவிடாமல் பேச வேண்டுமா என்று கேட்கிறார். கொஞ்சம் விட்டால் இதைக் கைவிடவும் தயாராக இருப்பார். அவராகச் சொல்லாதது வரை...

புத்தகத்தில் என்ன இருக்க வேண்டும் என்ற உருவரையை ஏற்கனவே எழுதி விட்டேன் . இப்போது இதை எழுதி முடிப்பதற்கான திட்டம் வேண்டும் . சீனா பற்றிய உரையில் உரைக்கான ஆதாரங்கள் என்று 1997 ஏப்ரல் முதல் 2001 டிசம்பர் வரை சீனாவில் தங்கி வேலை செய்த அனுபவம் 2011 தொடங்கி சீனக் கம்யூனிஸ்ட் கட்சியின் புரட்சிகர வரலாற்றை மாவோவின் எழுத்துக்கள் மூலமாக படித்து அறிந்தது 2019 க்குப் பிறகு உலக முதலாளித்துவத்தைப் பற்றிய ஆய்வின் ஒரு பகுதியாக வாசித்த நூல்கள் , தொடர்ந்து வாசித்து வரும் செய்தித் தளங்கள் முதலில் , இவற்றை ஒவ்வொன்றாகத் தொகுத்துக் கொள்ள வேண்டும் . இந்த ஒவ்வொன்றும் ஒரு பகுதியாக அமையலாம் . ஒன்றை முடித்து விட்டுத்தான் அடுத்ததற்குப் போக வேண்டும் என்று தேவையில்லை . முக்கியமாக , 2 ஆவது 3 ஆவது பகுதிகளில் எழுதுவதற்கு வாசிக்க வேண்டும் . ஏற்கனவே வாசித்திருந்த நூல்களை மறுபடியும் வாசித்து அவற்றைப் பற்றி எழுத வேண்டும் . முதல் பகுதியைப் பொறுத்தவரையில் நினைவில் இருந்தும் அந்த நினைவுக்கு துணையான ஆதாரங்களை எடுத்தும் எழுதிக் கொள்ளலாம் . முதல் பகுதியில் 1997 க்கு முன் சீனாவைப் பற்றிய பதி...

முதலில் , முதலாளித்துவம் என்பதை வரையறுத்துக் கொள்ள வேண்டும் . முதலாளித்துவம் என்பது ஒரு சமூகப் பொருளாதாரப் படிவம் (socio-economic formation). மூலதனத்துக்கும் கூலியுழைப்புக்குமான உறவு மட்டும் இருப்பது முதலாளித்துவத்துக்கு போதுமானது இல்லை . அந்த உறவின் மீது மூலதனத்துக்கு சாதகமாக ஆதிக்கம் செலுத்தும் மேல் கட்டுமானமும் இருக்க வேண்டும் . அதாவது ஆட்சி அதிகாரம் முதலாளி வர்க்கத்தின் கையில் இருக்க வேண்டும் ; முதலாளித்துவ ஜனநாயக அமைப்பு முறை நிலவ வேண்டும் . அந்த வகையில் பார்க்கும்போது சீனாவில் மூலதனமும் கூலியுழைப்பும் உள்ளன ; கூலியுழைப்பை மூலதனம் சுரண்டுவது உள்ளது ; உபரி - மதிப்பும் இலாபமும் உள்ளன . ஆனால் , ஆட்சியதிகாரம் முதலாளி வர்க்கத்தின் கட்டுப்பாட்டில் இல்லை . ஆட்சியதிகாரம் மட்டுமின்றி சமூக ஊடகங்கள் உட்பட அனைத்து ஊடகங்களும் முதலாளி வர்க்கத்தால் கட்டுப்படுத்தப்படவில்லை . மதம் முதலான பண்பாட்டுக் கூறுகளும் மூலதனத்தின் செயல்பாட்டுக் களமாக இல்லை . அரசு , ஊடகங்கள் , மதம் போன்ற மேல்கட்டுமான நிறுவனங்கள் மட்டுமின்றி பொருளாதாரத்தின் முக்கிய துறைகளும் கம்யூனிஸ்ட் கட்சியின் தலைமையிலான அரசின் கட்டுப்பா...