2024 தேர்தல் சொல்லும் செய்தி என்ன?

1. YCLஇன் மதிப்பீடும் நிலைப்பாடும்
=============================

காங்கிரஸ் தலைவர் ராகுல் காந்தி, தி.மு.க தலைவர் மு.க. ஸ்டாலின், விடுதலைச் சிறுத்தைகள் கட்சித் தலைவர் தோழர் தொல் திருமாவளவன் - இவர்கள் மட்டும்தான் அரசியலமைப்புச் சட்டத்தைப் பாதுகாப்போம் என்று தேர்தல் பரப்புரை செய்தார்கள். காங்கிரஸ் கட்சி, குறிப்பாக உத்தர பிரதேசம், இராஜஸ்தான், ஹரியாணா போன்ற மாநிலங்களில் வெற்றி பெற்றதற்கு பா.ஜ.கவின் இந்துத்துவ அரசியலை எதிர்த்து "ஜெய் சம்விதான்" என்று அரசியல் அமைப்புச் சட்டத்தை பாதுகாக்கும்படி பரப்புரை செய்தது ஒரு முக்கிய காரணமாக இருந்தது.

நவீன இந்திய அரசியல் என்பது படிநிலை ஏற்றத்தாழ்வை அடிப்படையாகக் கொண்ட மனுதரும சட்டத்துக்கும் சுதந்திரம் சமத்துவம் சகோதரத்துவம் ஆகிய கொள்கைகளை அடிப்படையாகக் கொண்ட ஜனநாயக அரசியலமைப்புச் சட்டத்துக்கும் இடையிலான போராட்டமாக உள்ளது. அரசியல் அமைப்பு அவையில் அண்ணல் அம்பேத்கர் சனாதனத்துக்கு எதிராக ஜனநாயகத்தை நிலைநாட்ட நடத்திய போராட்டத்தை முன்னெடுத்துச் செல்வதுதான் இந்தியாவில் பாட்டாளி வர்க்க ஜனநாயகப் புரட்சிக்கான சரியான வழி.

- நடந்து முடிந்த 2024 நாடாளுமன்றத் தேர்தல் பற்றி இளம் கம்யூனிஸ்ட் கழகம் முன்வைக்கும் மதிப்பீடும் கருத்தியல் நிலைப்பாடும் இது.

இடதுசாரி கட்சிகள் பொருளாதாரவாதத்தை பின்பற்றி, பொருளாதாரப் போராட்டங்களை மட்டுமே முன்னெடுத்தனர். அதனால்தான், பா.ஜ.கவை எதிர்த்து காங்கிரஸ் வெற்றி பெற்ற அளவுக்கு தாம் வலுவாக இருந்த மாநிலங்களில் கூட இடதுசாரி கட்சிகள் வெற்றி பெற முடியவில்லை. ஜனநாயகம் காப்போம் சனாதனத்தை ஒழிப்போம் என்ற கருத்தியலை வெகுமக்களின் அரசியல் முழக்கங்களாக மாற்றுவதுதான் பா.ஜ.கவைத் தோற்கடிக்க வழி. இதனை கம்யூனிஸ்ட் கட்சிகள் தமதாக்கிக் கொள்ள வேண்டும்.

- இதுதொடர்பான கிளப்ஹவுஸ் உரையாடலில் நான் இவ்வாறு சொல்லியிருந்தேன்.

2. இடதுசாரிகள் பற்றிய கருத்து தவறு என்ற விமர்சனம்
============================================

இடதுசாரிகள் பற்றி மேலே சொன்ன கருத்து தவறு. இந்திய கம்யூனிஸ்ட் கட்சி (மார்க்சிஸ்ட்) - "அரசியலமைப்புச் சட்டத்தைப் பாதுகாப்போம் ஜனநாயகத்தை மீட்டெடுப்போம்" என்று 2019 தேர்தலின் போதே பரப்புரை செய்திருந்தது என்று தோழர் @~revolution மேலே சொன்ன கருத்தை மறுத்திருந்தார். மேலும் 2024 தேர்தலுக்கான சி.பி.எம்-இன் தேர்தல் அறிக்கையையும் பகிர்ந்திருந்தார். அதில் "அரசியலமைப்புச் சட்டத்தைக் காத்துநிற்போம், ஜனநாயகத்தைப் பாதுகாப்போம்" என்பதுதான் முதன்மை முழக்கமாக இருந்தது. எனவே, இடதுசாரி கட்சிகள் பொருளாதாரவாதத்தை பின்பற்றினர் என்பது தவறு.

முழுமைக்காக, @~revolution தோழரின் கருத்தை இங்கு பதிவு செய்கிறேன்.

"CPM 2014 ல் பாஜக ஆட்சிக்கு வந்ததில் இருந்தே அரசியல் அமைப்பு சட்டத்தை, ஜனநாயகத்தை பாதுகாக்க வேண்டும் என்று தொடர்ந்து பிரச்சாரம் செய்து வருகிறது.. அதிலும் குறிப்பாக 2019 தேர்தலில் இதை ஒரு முழக்கமாக முன் வைத்தது.. 75 சுதந்திர தினத்தில் அரசியல் அமைப்பு பாதுகாப்பு நாளாக cpm அறிவித்து அன்றைய ஒருநாள் முழுக்க அரசியல் தலைமை குழுவில் உள்ள தோழர்கள் social media வில் அரசியல் அமைப்பு சட்டத்தை பாதுகாக்க வேண்டியதன் முக்கியம் குறித்து பேசினார்கள்.. 

ஆனால் அப்போதெல்லாம் ராகுல் மற்றும் ஸ்டாலின் வேறு வேளைகளில் கவனம் செலுத்தி இருந்தார்கள்.. இந்த தேர்தலில் கூட CPI, CPM, cpml (l) கட்சிகள் அரசியல் அமைப்பு சட்டத்தை பாதுகாப்பது குறித்து தேர்தலில் பேசியுள்ளார்கள்... அதே சமயம் ஒரு கம்யூனிஸ்ட் கட்சிக்கு மக்களின் அன்றாடா வாழ்வாதார நிலமை மோசமானதை தேர்தலில் பேச வேண்டிய கடமை இருக்கிறது... அந்த கடமை ராகுலுக்கோ, ஸ்டாலினுக்கோ இருக்க வேண்டிய தேவை இல்லை.. எனவே கம்யூனிஸ்ட் கட்சிகள் பொருளாதார வாத பிரச்சாரம் செய்ததால்தான் தோல்வி அடைந்தார்கள் என்ற YCL ன் மதிப்பீடு தவறானதாகும்.." 

அதாவது, இந்திய அரசியல் பற்றிய இளம் கம்யூனிஸ்ட் கழகத்தின் மதிப்பீடு தவறானது. சி.பி.எம் அரசியல் சட்டத்தைப் பாதுகாப்பதை முன்வைத்து தனது தேர்தல் அறிக்கையை வெளியிட்டிருந்தும் தேர்தலில் எதிர்பார்த்த அளவு வெற்றிபெற முடியவில்லை. எனவே, தேர்தலில் பா.ஜ.கவின் பின்னடைவுக்கும் காங்கிரசின் வெற்றிகளுக்கும் வேறு ஏதோ காரணம் உள்ளது.

சி.பி.எம் கட்சியின் மாநிலக் கிளைகள் தேர்தல் முடிவுகள் பற்றிய பகுப்பாய்வைச் செய்யவிருப்பதாக கட்சியின் மையக்குழுவும் பொலிட்பீரோவும் வெளியிட்ட அறிக்கைகளில் குறிப்பிட்டுள்ளனர். அதன் பிறகு நாடு முழுவதும் இடதுசாரிகளின் பின்னடைவு குறித்து தொகுப்பான அறிக்கை நமக்குக் கிடைக்கும். அது கிடைப்பது வரை காத்திருப்பதுதான் சரியானது. தேர்தல் களத்தில் நின்று செயல்பட்ட பல்வேறு மாநிலங்களைச் சேர்ந்த சி.பி.எம் கட்சித் தோழர்கள் தேர்தலைப் பற்றி என்ன மதிப்பீட்டை முன்வைக்கிறார்கள் என்பதில் இருந்து நமக்குப் பல புதிய புரிதல்கள் கிடைக்கும் என்று எதிர்பார்ப்போம்.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

சீனா - நமது எதிர்காலத்தின் பிரதிபிம்பம்

 சீனா - நமது எதிர்காலத்தின் பிரதிபிம்பம் (மூலதனம் முதல் பாகம், ஜெர்மன் முதல் பதிப்புக்கு முன்னுரை, பக்கம் 26) 1. இன்றைக்கு அமெரிக்காவின் கண்களில் விரல் விட்டி ஆட்டிக் கொண்டிருக்கிறது, சீனா. 140 கோடி மக்களுக்கும் உணவும், உடையும், கல்வியும், மருத்துவமும் உத்தரவாதம் செய்வதில் தொடங்கி, நவீன தொழில்நுட்பங்கள் சிலவற்றில் (சூரிய மின்சக்தி, 5G/6G தொலைதொடர்பு தொழில்நுட்பம், மைக்ரோசில்லுகள், விண்வெளி பயணம்) அமெரிக்காவுக்கு ஈடுகொடுத்து விஞ்சியிருக்கிறது. சீனா இதை எப்படி சாதித்தது? 30 ஆண்டுகளுக்கு முன்னர், சீனப் பொருளாதாரமும் இந்தியப் பொருளாதாரமும் கிட்டத்தட்ட ஒரே அளவில் (மொத்த உள்நாட்டு உற்பத்தி அடிப்படையில்) இருந்தன. உலகின் மற்ற எல்லா நாடுகளையும் போலவே, சோவியத் ஒன்றியத்தின் உடைவுக்குப் பின்னர் அமெரிக்காவின் புதிய தாராளவாத முதலாளித்துவத்தின் கிடுக்குப்பிடியில் இருந்தன. இந்த 30 ஆண்டுகளில் என்ன நடந்தது? அது இந்த 30 ஆண்டுகளின் கதை மட்டுமா அல்லது அதற்கு முந்தைய 40 ஆண்டுகளும் (1945-க்குப் பிறகு) சீனாவின் வெற்றிக் கதையில் தாக்கம் செலுத்தினவா? இதில் சீனாவின் சோசலிச கூறுகளின் (கம்யூனிஸ்ட் கட்சி ஆட்சிய...
மேலும் படிக்கவும்

ஒரு சவர்ண ஹிந்து ஆணின் வாழ்க்கையின் துயரங்களும் குழப்பங்களும்

  ஜூன் 27, 2024 – காலை 5 மணி முதல் 6 மணி வரை - அம்பத்தூர் குப்பம் " ஒரு சவர்ண ஹிந்து ஆணின் வாழ்க்கையின் துயரங்களும் குழப்பங்களும் " என்று இந்தப் பதிவுக்குத் தலைப்புக் கொடுக்கலாம் என்று தோன்றியது . சவர்ண ஹிந்து ஆண் என்பது a loaded term. துயரங்களும் குழப்பங்களும் என்பதையும் விளக்க வேண்டும் . சவர்ண ஹிந்து ஆண் என்பதைப் பற்றி நிறைய யோசித்து , நிறைய அசைபோட்டு அதை வந்தடைந்தேன் . துயரங்களும் குழப்பங்களும் என்பது கண நேரத்தில் தோன்றியது . அதற்கு முன்னதாக இந்த வலைப்பதிவைப் பற்றி ஒரு சொல் . From the cesspool of savarna hindu male world என்ற தலைப்பில் இப்போது எழுத வேண்டிய தேவை என்ன ? " சவர்ண ஹிந்து ஆண் என்ற சாக்கடைக்குள் இருந்து " என்பதுதான் தமிழில் தலைப்பு . எப்படி ஆசான் கார்ல் மார்க்ஸ் முதலாளித்துவ உலகின் புதிர்களை விடுவித்தாரோ , அதே போல அண்ணல் அம்பேத்கர் நான் மூழ்கி நீந்திக் கடக்கும் சாதியக் கட்டமைப்பு பற்றிய கோட்பாட்டுப் புரிதல்களை வழங்குகிறார் . கார்ல் மார்க்சின் மூலதனம் நூல் வாசிப்பு முதலில் அறிமுகம் ஆன போது , ஒரு புதுக் காதலன் போற அதையே சுற்றிச் சுற்றி வந்...
மேலும் படிக்கவும்

மார்க்ஸ்: மூலதனம் - அம்பேத்கர்: இந்திய வரலாற்றியல்

 சுரண்டல் சமூகத்தில் ஆளும் வர்க்கங்களின் அரசியல், பண்பாடு, கருத்தியல் ஆதிக்கம் செலுத்துகின்றன. சுரண்டப்படும் உழைக்கும் மக்களின் போராட்டமும் வாழ்க்கை நிலைமையும் தொகுக்கப்படாமல் சிதறடிக்கப்படுகின்றன. 18ஆம் நூற்றாண்டின் இறுதியிலும் 19ஆம் நூற்றாண்டின் முதல் பாதியிலும் மேற்கு ஐரோப்பாவை மையமாகக் கொண்டு உலக அளவில் முதலாளித்துவ உற்பத்தி முறை மாபெரும் வளர்ச்சி பெற்றது. அது தொடர்பான கோட்பாட்டாக்கப் பணியை முதலாளித்துவ வரம்புக்குள் இருந்த ஆதாம் ஸ்மித், ரிக்கார்டோ போன்ற அறிஞர்களே செய்தனர். முதலாளித்துவச் சுரண்டலுக்கு எதிரான தொழிலாளி வர்க்கத்தின் போராட்டங்களும் இயக்கமும் தீவிரமடைந்தபோது, முதலாளிகளுக்கு சேவை செய்யும் கொச்சைப் பொருளாதாரவியல் அல்லது சப்பைக்கட்டுவாதம் தோன்றியது. மாறிவந்த புறநிலை தானாகவே தொழிலாளர்களுக்கான புரட்சிகரக் கோட்பாட்டை உருவாக்கி விடவில்லை. கார்ல் மார்க்சின் மகத்தான கோட்பாட்டு ஆக்கமான மூலதனம் நூல் முதலாளித்துவ உற்பத்தி முறையின் தோற்றத்தில் தொடங்கி அதன் இயக்கத்தையும் அதன் இறுதி முடிவையும் பற்றிய ஒவ்வொரு இழையையும் தொழிலாளி வர்க்கத்தின் பார்வையில் இருந்து ஆய்வு செய்து முன்வைத்தத...
மேலும் படிக்கவும்