த.வெ.க - விஜய்: பாயாச அரசியல்

கேள்வி தி.மு.கவை தூக்கி சுமப்பது அல்லது தற்காப்பது என்பது இல்லை.

இன்றைக்கு மையமான கேள்வி பார்ப்பன பாசிச (சனாதன) பா.ஜ.கவை எதிர்ப்பது, குறைந்தது தடுத்து நிறுத்துவது
அதற்கான கூட்டணி இந்தியா கூட்டணி, அதில் தி.மு.க, காங்கிரஸ் கட்சிகள் உள்ளிட்ட பல கட்சிகள்  உள்ளன, அவை எல்லாம் ஆளும் வர்க்கக் கட்சிகள்தான். வி.சி.கவும் உள்ளது.

விஜய்க்கு தரப்பட்ட அல்லது அவர் எடுத்துக் கொண்ட அசைன்மென்ட் இந்த பாசிச எதிர்ப்புக் கூட்டணியை உடைப்பது
- எனவே, பாசிசம் என்பதை நகைச்சொல்லாக்குகிறார் - பாசிசமா, பாயாசமா என்று?
- நான் ஆட்சியைப் பிடித்து உங்களுக்கெல்லாம் அமைச்சரவையில் இடம் தருகிறேன் என்று மிட்டாய் கொடுத்து தி.மு.க கூட்டணிக் கட்சிகளை  கடத்த பார்க்கிறார்
- அதற்கு அம்பேத்கர், காமராஜர், பெரியார் என்று போக்கு காட்டுகிறார். அம்பேத்கரின் கொள்கைக்கு நேர் எதிரான பகவத் கீதையையும் சேர்த்துக் கொள்கிறார்.

இந்த நிலையில் பாசிச எதிர்ப்பையும் அதற்கான கூட்டணியையும் காத்து நிற்க வேண்டியது வி.சி.கவின் கடமை. அது தி.மு.கவுக்கு ஆதரவாகத் தெரிந்தால் அது பார்ப்பவர்களின் சிக்கல். பாசிச எதிர்ப்பில் தி.மு.கவும், பாயாசமாக என்று நக்கல் விடும் விஜயும் ஒன்றல்ல. தி.மு.கவும், அ.தி.மு.கவும் ஒன்றல்ல.

வி.சி.க தி.மு.க கூட்டணியில் இருப்பது பாசிச எதிர்ப்பு அரசியலைத் தூக்கிப் பிடிக்க. எனவே, அதை நீர்த்துச் செய்ய வைக்கும் எதற்கும் எதிர்வினை ஆற்றுவது இயல்பானது.

1. பாசிசம் என்பதை கொச்சைப்படுத்துவது - பாயாசம் என்று கிண்டலடிப்பதை உறுதியாக எதிர்க்க வேண்டும்
2. முன்னர் ம.க.இ.க செய்தது போல, எம்.ஜி.ஆர் பாசிஸ்ட், பிரபாகரன் பாசிஸ்ட், ஜெயலலிதா பாசிஸ்ட் என்று தாங்கள் யாரையெல்லாம் விமர்சிக்கிறார்களோ அவர்கள் எல்லோருக்கும் பாசிஸ்ட் முத்திரை குத்துவதால் எந்தப் பயனும் இல்லை.

தி.மு.க முதலாளித்துவக் கட்சி. அது அரசு அடக்குமுறையை தொழிலாளிகள் மீது ஏவி விட்டது, ஏவி விடுகிறது. ஆனால், அது பாசிசம் ஆகி விடாது.

பாசிசம் என்பதற்கு சமூக வேர் வேண்டும். தி.மு.கவுக்கு அத்தகைய சமூக அடித்தளம் இருக்கிறதா? அல்லது பா.ஜ.க/ஆர்.எஸ்.எஸ்-க்கு இருக்கிறதா?  

தி.மு.கவுக்கு அத்தகைய சமூக அடித்தளம் இல்லை. பாசிசத்தை எதிர்க்கும் அடித்தளம்தான் தி.முக.வுக்கு உள்ளது. அதுதான் அந்தக் கட்சியின் துயரம். அதன் தலைவர்கள் முதலாளிகள், பண முதலைகள், ஆதரவாளர்களோ ஜனநாயக சக்திகள்.

3. இந்தத் தேர்தலில் தி.மு.க, அடுத்த தேர்தலில் அ.தி.மு.க, இடையில் விஜயகாந்த் அல்லது விஜய் என்று மாறிக் கொண்டே இருந்தால் மக்களுடன் ஐக்கியப்பட முடியுமா? மக்களுடனான ஐக்கியம் என்பது உறுதியான கருத்தியலில் இருந்து வருகிறது. அதை மக்கள் மத்தியில் கொண்டு செல்வதில் இருந்து வருகிறது.

அதற்கு அத்தகைய கருத்தியல் வலிமை வேண்டும், அந்த கருத்தியலில் உறுதியாக நின்று செயல்பட வேண்டும். அதை வி.சி.க செய்து வருகிறது.

4. விஜய் மேடையேறி பேசியவுடன் எல்லோரும் போய் அவருடன் இணைந்து கூட்டணி அமைத்துக் கொள்ள வேண்டும், தி.மு.கவை எதிர்க்க வேண்டும் என்பது பத்திரிகையாளர் மணி போன்ற ’நடுநிலையாளர்களின்’ கனவு. அது யூடியூப் பேட்டி வரை பயன்படலாம். நடைமுறை அரசியலுக்கு உதவாது.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

சீனா - நமது எதிர்காலத்தின் பிரதிபிம்பம்

 சீனா - நமது எதிர்காலத்தின் பிரதிபிம்பம் (மூலதனம் முதல் பாகம், ஜெர்மன் முதல் பதிப்புக்கு முன்னுரை, பக்கம் 26) 1. இன்றைக்கு அமெரிக்காவின் கண்களில் விரல் விட்டி ஆட்டிக் கொண்டிருக்கிறது, சீனா. 140 கோடி மக்களுக்கும் உணவும், உடையும், கல்வியும், மருத்துவமும் உத்தரவாதம் செய்வதில் தொடங்கி, நவீன தொழில்நுட்பங்கள் சிலவற்றில் (சூரிய மின்சக்தி, 5G/6G தொலைதொடர்பு தொழில்நுட்பம், மைக்ரோசில்லுகள், விண்வெளி பயணம்) அமெரிக்காவுக்கு ஈடுகொடுத்து விஞ்சியிருக்கிறது. சீனா இதை எப்படி சாதித்தது? 30 ஆண்டுகளுக்கு முன்னர், சீனப் பொருளாதாரமும் இந்தியப் பொருளாதாரமும் கிட்டத்தட்ட ஒரே அளவில் (மொத்த உள்நாட்டு உற்பத்தி அடிப்படையில்) இருந்தன. உலகின் மற்ற எல்லா நாடுகளையும் போலவே, சோவியத் ஒன்றியத்தின் உடைவுக்குப் பின்னர் அமெரிக்காவின் புதிய தாராளவாத முதலாளித்துவத்தின் கிடுக்குப்பிடியில் இருந்தன. இந்த 30 ஆண்டுகளில் என்ன நடந்தது? அது இந்த 30 ஆண்டுகளின் கதை மட்டுமா அல்லது அதற்கு முந்தைய 40 ஆண்டுகளும் (1945-க்குப் பிறகு) சீனாவின் வெற்றிக் கதையில் தாக்கம் செலுத்தினவா? இதில் சீனாவின் சோசலிச கூறுகளின் (கம்யூனிஸ்ட் கட்சி ஆட்சிய...
மேலும் படிக்கவும்

ஒரு சவர்ண ஹிந்து ஆணின் வாழ்க்கையின் துயரங்களும் குழப்பங்களும்

  ஜூன் 27, 2024 – காலை 5 மணி முதல் 6 மணி வரை - அம்பத்தூர் குப்பம் " ஒரு சவர்ண ஹிந்து ஆணின் வாழ்க்கையின் துயரங்களும் குழப்பங்களும் " என்று இந்தப் பதிவுக்குத் தலைப்புக் கொடுக்கலாம் என்று தோன்றியது . சவர்ண ஹிந்து ஆண் என்பது a loaded term. துயரங்களும் குழப்பங்களும் என்பதையும் விளக்க வேண்டும் . சவர்ண ஹிந்து ஆண் என்பதைப் பற்றி நிறைய யோசித்து , நிறைய அசைபோட்டு அதை வந்தடைந்தேன் . துயரங்களும் குழப்பங்களும் என்பது கண நேரத்தில் தோன்றியது . அதற்கு முன்னதாக இந்த வலைப்பதிவைப் பற்றி ஒரு சொல் . From the cesspool of savarna hindu male world என்ற தலைப்பில் இப்போது எழுத வேண்டிய தேவை என்ன ? " சவர்ண ஹிந்து ஆண் என்ற சாக்கடைக்குள் இருந்து " என்பதுதான் தமிழில் தலைப்பு . எப்படி ஆசான் கார்ல் மார்க்ஸ் முதலாளித்துவ உலகின் புதிர்களை விடுவித்தாரோ , அதே போல அண்ணல் அம்பேத்கர் நான் மூழ்கி நீந்திக் கடக்கும் சாதியக் கட்டமைப்பு பற்றிய கோட்பாட்டுப் புரிதல்களை வழங்குகிறார் . கார்ல் மார்க்சின் மூலதனம் நூல் வாசிப்பு முதலில் அறிமுகம் ஆன போது , ஒரு புதுக் காதலன் போற அதையே சுற்றிச் சுற்றி வந்...
மேலும் படிக்கவும்

மார்க்ஸ்: மூலதனம் - அம்பேத்கர்: இந்திய வரலாற்றியல்

 சுரண்டல் சமூகத்தில் ஆளும் வர்க்கங்களின் அரசியல், பண்பாடு, கருத்தியல் ஆதிக்கம் செலுத்துகின்றன. சுரண்டப்படும் உழைக்கும் மக்களின் போராட்டமும் வாழ்க்கை நிலைமையும் தொகுக்கப்படாமல் சிதறடிக்கப்படுகின்றன. 18ஆம் நூற்றாண்டின் இறுதியிலும் 19ஆம் நூற்றாண்டின் முதல் பாதியிலும் மேற்கு ஐரோப்பாவை மையமாகக் கொண்டு உலக அளவில் முதலாளித்துவ உற்பத்தி முறை மாபெரும் வளர்ச்சி பெற்றது. அது தொடர்பான கோட்பாட்டாக்கப் பணியை முதலாளித்துவ வரம்புக்குள் இருந்த ஆதாம் ஸ்மித், ரிக்கார்டோ போன்ற அறிஞர்களே செய்தனர். முதலாளித்துவச் சுரண்டலுக்கு எதிரான தொழிலாளி வர்க்கத்தின் போராட்டங்களும் இயக்கமும் தீவிரமடைந்தபோது, முதலாளிகளுக்கு சேவை செய்யும் கொச்சைப் பொருளாதாரவியல் அல்லது சப்பைக்கட்டுவாதம் தோன்றியது. மாறிவந்த புறநிலை தானாகவே தொழிலாளர்களுக்கான புரட்சிகரக் கோட்பாட்டை உருவாக்கி விடவில்லை. கார்ல் மார்க்சின் மகத்தான கோட்பாட்டு ஆக்கமான மூலதனம் நூல் முதலாளித்துவ உற்பத்தி முறையின் தோற்றத்தில் தொடங்கி அதன் இயக்கத்தையும் அதன் இறுதி முடிவையும் பற்றிய ஒவ்வொரு இழையையும் தொழிலாளி வர்க்கத்தின் பார்வையில் இருந்து ஆய்வு செய்து முன்வைத்தத...
மேலும் படிக்கவும்